ETV Bharat Default

સુરતઃ 21 ફેબ્રુઆરીના રવિવારે રાજ્યની 6 મહાનગરપાલિની ચૂંટણી યોજાઈ હતી. જેમાં સુરતમાં 43.82 ટકા મતદાન નોંધાયું હતું, ત્યારે આજે મંગળવારે મતગણતરી ચાલી રહી છે. સુરતના વોર્ડ નંબર 1, 6, 8, 10, 14, 11, 15, 19, 21, 23, 24, 15, 27 અને 29માં ભાજપની પેનલની જીત થઈ છે. આ સાથે જ વોર્ડ નંબર 2, 4, 5, 16 અને17માં આમ આદમી પાર્ટીનો વિજય થયો છે. ભાજપના ગીતા રબારી અને ડિમ્પલ કાપડીયાની પણ જીત થઈ છે, ત્યારે ભાજપના જીતેલા ઉમેદવારો ઢોલ નગારાના તાલ સાથે સાફો પહેરી નાચ્યા હતા અને જીતની ઉજવણી કરી હતી. આ અંગે વિજેતા ઉમેદવાર ભવનાથભાઈએ જણાવ્યું કે, મતદારોએ એમના પર વિશ્વસ જતાવીને એમને મત આપ્યા છે, જ્યારે તેમના સમર્થકોએ ભારત માતાકી જયના સૂત્રાચ્ચાર કરી જીતની ખૂશી વ્યક્ત કરી હતી. ઉલ્લેખનીય છે કે, સુરતમાં કુલ 30 વોર્ડ અને 120 બેઠકો છે. જેમાંથી 60 બેઠક મહિલા માટે અનામત રાખવામાં આવી છે. આ સાથે જ સુરતમાં કુલ 32, 88, 352 મતદારો હતા. જે પૈકી 15, 17, 238 પુરુષો, 14, 70, 999 મહિલા અને 110 ટ્રાન્સજેન્ડરનો સમાવેશ થાય છે.