ETV Bharat Default

સુરતઃ 21 ફેબ્રુઆરીના રવિવારે રાજ્યની 6 મહાનગરપાલિની ચૂંટણી યોજાઈ હતી. જેમાં સુરતમાં 43.82 ટકા મતદાન નોંધાયું હતું, ત્યારે આજે મંગળવારે મતગણતરી ચાલી રહી છે. જેમાં બરોપના 2 કલાક સુધી સુરતમાં કોંગ્રેસનું ખાતું પણ ખુલ્યું નથી. 2015માં કોંગ્રેસની જે સ્થિતિ હતી, તેવી સ્થિતિ પણ અત્યારે નથી. આ સાથે જ પ્રથમ વખત દાવ ખેલનારી આમ આદમી પાર્ટીની વોર્ડ નંબર 2, 3 અને 16 વોર્ડની પેનલની જીત થઇ છે. આ ઉપરાંત વોર્ડ નંબર 8માં આમ આદમી પાર્ટીએ 1 બેઠક મેળવી છે. ઉલ્લેખનીય છે કે, સુરતમાં કુલ 30 વોર્ડ અને 120 બેઠકો છે. જેમાંથી 60 બેઠક મહિલા માટે અનામત રાખવામાં આવી છે. આ સાથે જ સુરતમાં કુલ 32, 88, 352 મતદારો હતા. જે પૈકી 15, 17, 238 પુરુષો, 14, 70, 999 મહિલા અને 110 ટ્રાન્સજેન્ડરનો સમાવેશ થાય છે.