अपणुं उत्तराखंडः दिनभरै खास खबर, एक नजर मा

चमोली आपदा: राहत-बचाव कार्य जारी
चमोली जिले मां आई जल प्रलय कु बाद से 16वां दिन बि जारी रई राहत अर बचाव कु काम. आपदा मा मन्न वालौ की संख्या 68 ह्वे गी. 28 मानव अंग भी मिली छन. वखी, ज्यै मां से 38 शवूं अर 1 मानव अंग की पछ्यांण भी ह्वे गै च.
लापता लोगूं कु मृत्यु प्रमाण-पत्र
चमोली आपदा मां लापता ह्वै लोगूं कु मृत्यु प्रमाण-पत्र जारी कन्न कुन केंद्र सरकार न अनुमति दे दियाली. उत्तराखंड सरकार यैकू तैं अधिसूचना बि जारी करी ल्यै. लापता लोगों कु परिजनों तैं मुआवजा मिलन कुन आसानी व्हाली.
अपणुं उत्तराखंड.
भारत नेट 2.0 कु अनुमति
मुख्यमंत्री त्रिवेंद्र सिंह रावत न केंद्रीय मंत्री रविशंकर प्रसाद से मुलाकात कौरी. द्वी नेताओं मां चारधाम क्षेत्र कु डिजिटल कनेक्टिविटी मजबूत कन्न कुन सहमति बणि. केंद्रीय मंत्री रविशंकर प्रसाद न उत्तराखंड मा भारत नेट 2.0 प्रोजेक्ट शुरू कन्न कुन हां बोली. प्रदेश कु लगभग 12 हजार गांव इंटरनेट बिटीं जुड़ सकला.
डोईवाला टोल टैक्स कु लेकी हंगामा
लच्छीवाला टोलप्लाजा शुरू व्हाणक बाद बिटीं विरोध बढ़ी ग्यै च. सोमवार कु महानगर बस सेवा अर टैक्सी यूनियन तैं जुड्यां बस अर टैक्सी चालकों नु यक्ख अपणु वाहन खडू करी कन कार्य बहिष्कार कौरी, जैका बाद स्कूली छात्रों अर यात्रियों तैं काफी परेशानी व्हाई.
अखाड़ा परिषद अर बैरागियों मां फिर ठनी
आण वाली 24 फरवरी कु अखाड़ा परिषद क बैठक ह्वली. बैठक से पैली बैरागियों न फिर अखाड़ा परिषद पर हमला बोली. ऊन बोली कि बैरागियों कु 3 अणी क अलग व्हाण से परिषद कु क्वी अस्तित्व नी बची.
आईएएस अकादमी मां केरल क राज्यपाल
केरल क राज्यपाल आरिफ मुहम्मद खान न मसूरी स्थित लाल बहादुर शास्त्री प्रशासन एकेडमी मा आयोजित फेज थ्री कार्यक्रम मा शिरकत कौरी. ये मौका पर राज्यपाल न आईएसएस अधिकारियों संग कई विषयूं अर योजनाओं पर चर्चा कौरी.
166 पीआरडी कर्मियों कु प्रदर्शन
कोरोना काल कु दौरान दून अस्पताल मा फ्रंट लाइन वर्कर्स की भूमिका निभाण वाल 166 पीआरडी कर्मियों तैं नौकरी बिटी भैर कर दिलाय च, जैकू नोटिस बि दून अस्पताल न जारी कियाल च. वक्खी अपरी बहाली की मांग कु लेकर पीआरडी कर्मियों न दून हॉस्पिटल मा प्रदर्शन कौरी.
उत्तराखंड उपनल महासंघ न कौरी कार्य बहिष्कार
अपनी मांगों कु लेकर प्रदेशभर क उपनल कर्मी द्वी दिन कु कार्य बहिष्कार पर छन. उपनल कर्मियों न देहरादून मा धरना-प्रदर्शन कौरी. महासंघ की मांग च कि कर्मचारियों तैं समान कार्य-समान वेतन कु आदेश जारी की जा. हाईकोर्ट न पैली दियाल च आदेश.
खोली ग्यै भारत-नेपाल सीमा
11 महीने कु बाद नेपाल न शर्तों कु साथ खोली बनबसा और टनकपुर सीमा. अबि भारतीय नागरिकों कु निजी वाहनों तैं नेपाल मां ले जाणु कु इजाजत नहीं मिली च. ट्रांसपोर्ट या सामान लेकन जाण वालु वाहनों ज्यै सकदा.
बुजुर्ग की गोली मारी कन हत्या
उधम सिंह नगर जिले कु अजीतपुर गांव मा एक बुजुर्ग व्यक्ति की गोली मारी कन हत्या कर दी ग्यै च. हत्या कु पिछणै ट्रैक्टर-ट्रॉली सीज करवाण कु आशंका की बात कु विवाद समणि आए च.
दुष्कर्म कु आरोप मां बुजुर्ग की पिटै
गदरपुर की दिनेशपुर बिटीं एक वायरल वीडियो समणि अयूं च, जै मां एक बुजुर्ग की पेड़ पर बांधि कन पिटै की जाणि च. वीडियो समणि आण कु बाद पुलिस न आरोपियों कु खिलाफ संगीन धाराओं मां मुकदमा दर्ज कौरी कन जांच शुरू कर दियाली.
खतरा मा गर्जिया मंदिर
पर्यटन मंत्री सतपाल महाराज न ल्यैई ईटीवी भारत क खबर कु संज्ञान. साल 2010 में आई बाढ़ कु बाद गर्जिया मंदिर की टीले पर हल्की दरार ए ग्यै छै, कई बार कैणकु बाद बि सरकारुन तब बिटीं क्वी काम नी करवाई. खबर कु बाद सतपाल महाराज न जल्द काम कन्न कु बात कही.
मंगल ग्रह पर हल्द्वानी कु बेटियूं कु नाम दर्ज
अमेरिकी अंतरिक्ष एजेंसी नासा कु मंगल ग्रह पर भेजि अंतरिक्ष यान मा हल्द्वानी की द्वी बैणियों कु नाम बि शामिल च. 2019 मा शिवानी अर हिमानी मिश्र न अपणू नाम नासा तै भैजि छै. ई नामों तैं सिलिकॉन वेफर माइक्रोचिप बिटी इलेक्ट्रॉनिक बीम कु मदद न उकेरू ग्यै च.
अंतरराष्ट्रीय यूथ बॉक्सिंग मा लकी राणा कु धमाल
यूरोप कु मोंटेनेग्रो मां चलणि अंतरराष्ट्रीय यूथ बॉक्सिंग प्रतियोगिता मा हल्द्वानी मोटाहल्दू धनपुर निवासी लकी राणा न 64 किलो भार वर्ग मा बेहतरीन प्रदर्शन कौरी कन सिल्वर मेडल जीती च. लकी राणा अगला महीना पोलैंड मा आयोजित ह्वैण वाली बॉक्सिंग प्रतियोगिता मा बि भाग लेगी.