ബെർലിൻ: കാർഷിക നിയമങ്ങൾക്കെതിരെ ഇന്ത്യൻ ഓവർസീസ് കോണ്‍ഗ്രസ് (ഐഒസി) സംഘടിപ്പിച്ച പ്രതിഷേധത്തിൽ പാകിസ്ഥാൻ പതാക ഉയർത്തിയതായി ആരോപണം. ബിജെപി നേതാവ് സുരേഷ്‌ നഖുവ ട്വിറ്ററിലൂടെയാണ് ആരോപണം ഉന്നയിച്ചത്. ജർമ്മനിയിൽ കോണ്‍ഗ്രസ് നടത്തിയതെന്ന് പറയുന്ന ചിത്രവും നഖുവ ട്വിറ്ററിൽ പങ്കുവെച്ചു.

"രാഹുൽ ഗാന്ധിയുടെ കോൺഗ്രസ് പാകിസ്ഥാനുമായി കൈകോർക്കുകയാണ്. പാകിസ്ഥാൻ പതാക പിടിച്ചിരിക്കുന്ന ചരണ്‍ കുമാർ ഐഒസിയുടെ ചുമതല വഹിക്കുന്ന ആളാണ്" നഖുവ ട്വിറ്ററിൽ കുറിച്ചു. എന്നാൽ ആരോപണങ്ങൾ ഐഒസി നിഷേധിച്ചിട്ടുണ്ട്.