मध्य प्रदेशातील काँग्रेस आमदार निलय डागा यांची बैतुल या नावाने चिंचोळी एमआयडीसी(सोलापूर)येथे ऑईल मिल आहे. गेल्या तीन दिवसांपासून काँग्रेस आमदार डागा यांच्या घराची आणि ऑईल मिलची झडती सुरू आहे. सोलापुरातील त्यांच्या घराची देखील झडती घेण्यात आली. डागा यांच्या मालकीचे शहरात अनेक कारखाने आहेत.
सोलापूर - मध्यप्रदेशातील एका काँग्रेस आमदाराच्या सोलापुरातील तेल कारखाना आणि मालमत्तेवर आयकर विभागाने छापेमारी केली आहे. येथील चिंचोळी एमआयडीसीतील बैतुल ऑइलमिल या नावाने हा कारखाना सुरू आहे. ही कारवाई रविवारी मध्यरात्री सुरू झाली असून आतापर्यंत साडे सात कोटी रुपयांची रोखड जप्त करण्यात आली आहे. अजूनही कारवाई सुरू असल्याची माहिती सोलापूर आयकर विभागातील एका अधिकऱ्याने दिली. पुणे येथील आयकर विभागाच्या तपास पथकानेही कारवाई केली आहे. निलेश डागा असे त्या काँग्रेस आमदाराचे नाव असून कारवाई सुरू असल्याने अधिकाऱ्यांकडून अधिकची माहिती देण्यास टाळाटाळ केली जात आहे.
मध्य प्रदेशातील काँग्रेस आमदार निलय डागा यांची ऑइल मिल-
मध्य प्रदेशातील काँग्रेस आमदार निलय डागा यांची बैतुल या नावाने चिंचोळी एमआयडीसी(सोलापूर)येथे ऑईल मिल आहे. गेल्या तीन दिवसांपासून काँग्रेस आमदार डागा यांच्या घराची आणि ऑईल मिलची झडती सुरू आहे. सोलापुरातील त्यांच्या घराची देखील झडती घेण्यात आली. डागा यांच्या मालकीचे शहरात अनेक कारखाने आहेत. यामाध्यमातून कर बुडवून आर्थिक गैर व्यवहार केला असल्याची माहिती पूणे येथील आयकर विभागातील तपास पथकाला मिळाली होती. जवळपास 100 कोटींची उलाढाल अंगडायीया(हवाला)च्या माध्यमातून केली असल्याची प्राथमिक माहिती समोर आली आहे.
निलय डागा यांच्या बैतुल ऑइल मिलवर छापा कारवाई करताना एक संशयित व्यक्ती नोटांनी भरलेली बॅग घेऊन जात असताना आढळला. आयकर विभागाच्या अधिकाऱ्यांनी ताबडतोब संशयितास पकडून त्याच्याजवळची बॅग जप्त केली. त्या बॅगेसह अन्य एकबॅग हस्तगत करण्यात आली आहे. या दोन्ही बॅगेत तब्बल साडे सात कोटी रुपयांची रोकड मिळाली आहे. नोटांची संख्या अधिक असल्याने आयकर विभागाच्या अधिकाऱ्यांनी एका शासकीय बँकेला रविवार असतानाही बँक उघडून नोटा मोजण्यासाठी पाचारण केले
अजूनही कारवाई सुरूच
सोलापूर आयकर भवन येथे माहिती घेण्यासाठी संपर्क केला असता, त्यांनी तपास सुरू आहे. तसेच आमचे अधिकारी अजूनही चिंचोळी एमआयडीसीमधील बैतुल ऑइल फॅक्टरीमध्ये तळ ठोकून आहेत. आणखीन एक किंवा दोन दिवस ही कारवाई सुरू राहणार असल्याची माहिती यावेळी देण्यात आली.
निलय डागा यांच्या नातेवाईकांचे देखील धाबे दणाणले-
मध्य प्रदेशातील काँग्रेस आमदार निलय डागा यांचे सोलापुरात अनेक नातेवाईक आहेत. त्यांचेही वेगवेगळे उद्योगधंदे आहेत. या कारवाईशी संबंधित त्यांच्या उद्योगाची आणि आर्थिक व्यवहाराची देखील तपासणी केली जाऊ शकते, या भीतीने बैतुल यांच्या नातेवाईकांचेही धाबे दणाणले आहेत.
