ନୂଆଦିଲ୍ଲୀ:କୋଭିଡ ସଂକ୍ରମଣକୁ ନେଇ ଜୋରଦାର ଅନୁସନ୍ଧାନ ଜାରି ରହିଛି । କୋଭିଡ ଚିକିତ୍ସାରେ କାମ ଦେବନି କୌଣସି ପାରମ୍ପରିକ ଔଷଧ । ପାରମ୍ପରିକ ଔଷଧ କୋରୋନାରୁ ସୁସ୍ଥ କରିପାରିବ ନାହିଁ ବୋଲି ବିଶ୍ବ ସ୍ବାସ୍ଥ୍ଯ ସଙ୍ଗଠନ ସ୍ପଷ୍ଟ କରିଛି । ଡବ୍ଲ୍ଯୁଏଚଓ ଟ୍ବିଟ କରି ଏଭଳି ବୟାନ ଦେଇଛି ।

ଡବ୍ଲ୍ଯୁଏଚଓ କୋରୋନା ଉପରେ କୌଣସି ପାରମ୍ପରିକ ଔଷଧର ଗୁଣବତ୍ତା ଉପରେ ସମୀକ୍ଷା କରିନାହିଁ କିମ୍ବା ପ୍ରମାଣପତ୍ର ମଧ୍ୟ ଦେଇନାହିଁ । କୋରୋନା ପାଇଁ ଔଷଧ ପ୍ରସ୍ତୁତ କରିଥିବା ନେଇ ପତଞ୍ଜଳି ଦାବି କରିବା ପରେ ଏଭଳି ବୟାନ ଦେଇଛି ବିଶ୍ବସ୍ବାସ୍ଥ୍ୟ ସଙ୍ଗଠନ ।

ପତଞ୍ଜଳି ଦ୍ବାରା ଜାରି ହୋଇଥିବା ବିବୃତ୍ତିରେ କୁହାଯାଇଛି ଯେ, ବିଶ୍ବ ସ୍ବାସ୍ଥ୍ୟ ସଙ୍ଗଠନର ସାର୍ଟିଫିକେଟ ସନ ସ୍କିମ ଅନୁଯାୟୀ ସେଣ୍ଟ୍ରାଲ ଡ୍ରଗ ଷ୍ଟାଣ୍ଡାର୍ଡ କଣ୍ଟ୍ରୋଲ ଅର୍ଗାନାଇଜେସନର ଆୟୁଷ ବିଭାଗରୁ ଫାର୍ମାସ୍ୟୁଟିକାଲ ପ୍ରଡକ୍ଟ ସାର୍ଟିଫିକେଟ ପାଇଛି ।

ଆୟୁଷ ମନ୍ତ୍ରଣାଳୟ କରୋନିଲ ଔଷଧ ବ୍ୟବହାର ସହିତ ଅତିରିକ୍ତ ଥେରାପି କୋଭିଡ-19 ବିରୋଧରେ ଚିକିତ୍ସା କରାଯାଇପାରିବ ବୋଲି ସୁପାରିଶ କରିଥିଲା । ପତଞ୍ଜଳି ଆୟୁର୍ବେଦ ଜୁନ 23, 2020ରେ ଆୟୁର୍ବେଦ ଭିତ୍ତିକ କରୋନିଲ ବିକଶିତ କରିଥିଲା ।