ନୂଆଦିଲ୍ଲୀ: ଆଗକୁ କେରଳ ବିଧାନସଭା ନିର୍ବାଚନ । ଏଥିପାଇଁ କେରଳ ରାଜନୀତି ମାହୋଲ ସରଗରମ ରହିଛି । ଏହାରି ମଧ୍ୟରେ କେରଳ ରାଜନୀତିରେ ମେଟ୍ରୋ ମ୍ୟାନ ନାମରେ ବେଶ ପରିଚିତ ଥିବା ଇ. ଶ୍ରୀଧରନ କଂଗ୍ରେସ ଛାଡି ବିଜେପିରେ ମିଶିବା ନେଇ ଘୋଷଣା କରିଛନ୍ତି । ଏହାକୁ ନେଇ କଂଗ୍ରେସର ବରିଷ୍ଠ ନେତା ଶଶୀ ଥରୁରଙ୍କ ପ୍ରତିକ୍ରିୟା ସାମ୍ନାକୁ ଆସିଛି ।

ସେ କହିଛନ୍ତି ଇ. ଶ୍ରୀଧରନଙ୍କ ବିଜେପିରେ ସାମିଲ ହେବା କେରଳର ଆଗାମୀ ବିଧାନସଭା ନିର୍ବାଚନ ଉପରେ ଏହାର କୌଣସି ପ୍ରଭାବ ପଡିବ ନାହିଁ । କେରଳର କିଛି ସିଟକୁ ଛାଡିଦେଲେ ଚଳିତ ନିର୍ବାଚନରେ ​​ବିଜେପିର ଦୃଢ ପ୍ରତିଦ୍ବନ୍ଦୀ ନାହାନ୍ତି । ସେ ଆହୁରି ମଧ୍ୟ କହିଛନ୍ତି, 2016 ମସିହାରେ ରାଜ୍ୟ ବିଧାନସଭା ନିର୍ବାଚନରେ ​​ଗୋଟିଏ ଆସନ ଜିତିଥିବା ବିଜେପି ପାଇଁ ଏଥର ନିଜର ସ୍ଥିତି ସୃଦୃଢ କରିବା ଅତ୍ୟନ୍ତ କଷ୍ଟକର ହେବ ।

ବ୍ୟୁରୋ ରିପୋର୍ଟ, ଇଟିଭି ଭାରତ