ନୂଆଦିଲ୍ଲୀ: ଆମୀର ଖାନ ତାଙ୍କ ଆଗାମୀ ଚଳଚ୍ଚିତ୍ର 'ଲାଲ ସିଂ ଚଡ୍ଡା'କୁ ନେଇ ଚର୍ଚ୍ଚାରେ । ତେବେ ଏପର୍ଯ୍ୟନ୍ତ ଏହି ଫିଲ୍ମର ସୁଟିଂ ଶେଷ ହୋଇନାହିଁ।

ଏବେ ଏକ ଖବର ସାମ୍ନାକୁ ଆସିଛି ଯେ, ଆମୀର ଏହି ଫିଲ୍ମର କିଛି ସୀନ୍ ର ସୁଟିଂ ପାଇଁ କାର୍ଗିଲ ଯିବେ ।

ସୂଚନା ମୁତାବକ, ୟୁନିଟ୍ ଫିଲ୍ମ ସୁଟିଂ ପାଇଁ ମେ-ଜୁନ୍ ମାସରେ ସେଠାକୁ ଯିବେ । ଫିଲ୍ମର ଏକ ଗୁରୁତ୍ବପୂର୍ଣ୍ଣ ଓ୍ବାର ସୀନ୍ ସେଠାରେ ସୁଟିଂ କରାଯିବ । ଏହି ସୀନ୍ ଫିଲ୍ମର କାହାଣୀରେ ଏକ ଗୁରୁତ୍ବପୂର୍ଣ୍ଣ ଏବଂ ନୂଆ ମୋଡ଼ ଆଣିବ ।

ପ୍ରକାଶ ଥାଉ ଯେ, ଚଳଚ୍ଚିତ୍ର 'ଲାଲ ସିଂ ଚଡ୍ଡା' ଆମୀରଙ୍କ ସହ କରୀନା କପୁରଙ୍କ ଯୋଡି ପୁଣିଥରେ ନଜର ଆସିବେ । ଏହି ଫିଲ୍ମ ହଲିଉଡର ସୁପରହିଟ୍ ଫିଲ୍ମ ‘ଫରେଷ୍ଟ ଗମ୍ପ’ର ହିନ୍ଦୀ ରିମେକ । ଫିଲ୍ମଟି 2021 ମସିହାରେ ଖ୍ରୀଷ୍ଟମାସରେ ମୁକ୍ତିଲାଭ କରିବ ବୋଲି ଜଣାପଡିଛି।