ସୁନ୍ଦରଗଡ ଜିଲ୍ଲା ଦୁଲିଙ୍ଗା ଏନଟିପିସି କୋଲମାଇନ୍ସ ବିସ୍ଥାପିତ ଝିଅଙ୍କ ଆନ୍ଦୋଳନ ଆଜି 22 ଦିନରେ ପହଞ୍ଚିଛି । ଉପ ଜିଲ୍ଲାପାଳ ଆଲୋଚନା ପାଇଁ ଡାକି ନିରାଶ କରିଛନ୍ତି । ଆସନ୍ତାକାଲି ରାଜ୍ୟ ମାନବାଅଧିକାର କୋର୍ଟରେ ଉଠିବ ମାମଲା । ଅଭିଯୋଗ ଫର୍ଦ୍ଦର ହେବ ଶୁଣାଣି । ଅଧିକ ପଢନ୍ତୁ...
ସୁନ୍ଦରଗଡ : ଏନଟିପିସି ଦୁଲିଙ୍ଗା କୋଲ ମାଇନ୍ସ ବିସ୍ଥାପିତ ଝିଅଙ୍କ ସମସ୍ୟା ସମାଧାନର ରାହା ଘୁଞ୍ଚିଘୁଞ୍ଚି ଯିବାରେ ଲାଗିଛି । ଆର ଆଣ୍ଡ ଆର ପଲିସିରେ ବାପା ଓ ଭାଇଙ୍କୁ ଯେଉଁ ସୁବିଧା କମ୍ପାନୀ ଦେଇଛି ସେହି ସୁବିଧା ମଧ୍ୟ ସେମାନଙ୍କୁ ଦେବା ପାଇଁ ଦାବି କରି ଆଜକୁ 22 ଦିନରେ ତାଙ୍କ ଆନ୍ଦୋଳନ ପହଞ୍ଚିଛି । ଆନ୍ଦୋଳନକାରୀଙ୍କୁ ଆଲୋଚନା ପାଇଁ ଡାକି ଆଜି ପୁଣି ଥରେ ଉପ ଜିଲ୍ଲାପାଳ ତଥା ଆର୍ ଆଣ୍ଡ ଆର୍ ପଲିସିର ଅଧ୍ୟକ୍ଷ ନିରାଶ କରିଛନ୍ତି । କେବଳ ସେତିକି ନୁହେଁ ମାନବାଧିକାର ପାଇଁ ଲଢୁଥିବା ବ୍ୟକ୍ତି ବିଶେଷଙ୍କୁ ମଧ୍ୟ ଏହି ଆଲୋଚନା ପାଇଁ ନିମନ୍ତ୍ରଣ କରି ନିରାଶ କରିଛନ୍ତି । କେଉଁ ଭିତ୍ତିରେ ଏମାନଙ୍କୁ ସୁବିଧାରୁ ବଞ୍ଚିତ କରାଯାଇଛି ସେନେଇ ମଧ୍ୟ ତଥ୍ୟ ବା କାଗଜପତ୍ର ଦେଖାଇବାରେ ଉପଜିଲ୍ଲାପାଳ ଅସମର୍ଥ ହୋଇଛନ୍ତି ବେଲି ସେମାନେ ଅଭିଯୋଗ କରିଛନ୍ତି ।
ଆର୍ ଆଣ୍ଡ ଆର୍ ପଲିସିର ଅଧ୍ୟକ୍ଷ ତଥା ଉପ ଜିଲ୍ଲାପାଳ ଏହି ବିସ୍ଥାପିତଙ୍କୁ ଆଲୋଚନା ପାଇଁ ବାରମ୍ବାର ଡାକି ଠକୁଥିବା କଥା କେତେକ ବିସ୍ଥାପିତ କହିବା ସହ ସମସ୍ୟାର ସମାଧାନ ନହେବା ଯାଏଁ ଆନ୍ଦୋଳନ ଚାଲୁ ରହିବ ବୋଲି କହିଛନ୍ତି । ଅପରପକ୍ଷେ ଆର୍ ଆଣ୍ଡ ଆର୍ ପଲିସିର ଅଧ୍ୟକ୍ଷ ତଥା ସୁନ୍ଦରଗଡ ଉପଜିଲ୍ଲାପାଳ ଆର୍ ଆଣ୍ଡ ଆର୍ – 2006 ଅନୁଯାୟୀ ଏମାନେ ବଞ୍ଚିତ ହୋଇଥିବା କଥା କହିଛନ୍ତି । ନିୟମରେ କୌଣସି ବ୍ୟତିକ୍ରମ କରାଯାଇ ନଥିବା କଥା ସେ କହିଛନ୍ତି । ଏଥିରେ କାହାରି ସନ୍ଦେହ ହେଲେ ସେ କୋର୍ଟ ଅଫ୍ ଲୋ ( court of law )ର ଆଶ୍ରୟ ନେଇ ପାରନ୍ତି ବୋଲି କହିଛନ୍ତି । ତେବେ ଏହି ବିସ୍ଥାପିତ ମାନଙ୍କ ସମସ୍ୟାର ସମାଧାନ ନେଇ ସେ ରାଜସ୍ୱ ବିଭାଗକୁ ସ୍ପଷ୍ଟିକରଣ କରଣ ପାଇଁ ପତ୍ର ଲେଖିଥିବା କଥା ଆର୍ ଆଣ୍ଡ ଆର୍ ପଲିସିର ଅଧ୍ୟକ୍ଷ କହିଛନ୍ତି ।
ସୁନ୍ଦରଗଡରୁ ହରିହର ଦାସ ମହାପାତ୍ର , ଇଟିଭି ଭାରତ
