ଝାରସୁଗୁଡା: ଜିଲ୍ଲାକୁ ସମ୍ପୂର୍ଣ୍ଣ ବାଲ୍ୟ ବିବାହ ମୁକ୍ତ କରିବାକୁ ଝାରସୁଗୁଡା ଜିଲ୍ଲା ପ୍ରଶାସନ ପକ୍ଷରୁ ଆରମ୍ଭ ହୋଇଛି ଉଦ୍ୟମ । ଏଥିପାଇଁ ଜନସଚେତନତା ଉପରେ ଗୁରୁତ୍ବ ଆରୋପ କରିଛି ପ୍ରଶାସନ । ଏହିକ୍ରମରେ ଜିଲ୍ଲାର 5ଟି ପଞ୍ଚାୟତର 63ଟି ଗାଁ ଓ 3ଟି ପୌରାଞ୍ଚଳର 10ଟି ୱାର୍ଡରେ ଗତ 2 ବର୍ଷ ମଧ୍ୟରେ ଗୋଟିଏ ବି ବାଲ୍ୟ ବିବାହ ହୋଇ ନଥିବାରୁ ବାଲ୍ୟ ବିବାହ ମୁକ୍ତ ଗ୍ରାମ ଭାବେ ଘୋଷଣା କଲା ଜିଲ୍ଲା ପ୍ରଶାସନ ।

ଏନେଇ ଜିଲ୍ଲାପାଳ ଅଫିସ ଡିଏମଏଫ ସଭାଗୃହରେ ମହିଳା ଓ ଶିଶୁ ବିକାଶ ବିଭାଗ ଅଧିକାରୀ, ଜିଲ୍ଲା ଶିଶୁ ସୁରକ୍ଷା ଅଧିକାରୀଙ୍କ ଗହଣରେ ଅତିରିକ୍ତ ଜିଲ୍ଲାପାଳ, ଆଗାମୀ ଦିନରେ କନ୍ୟାରତ୍ନଙ୍କ ସୁରକ୍ଷା ପାଇଁ ଉଦ୍ୟମ ଲୋଡା ବୋଲି ଘୋଷଣା କରିଥିଲେ । ଏହା ସହ ସମସ୍ତେ 18 ବର୍ଷରୁ କମ ବୟସର ଝିଅଙ୍କ ବିବାହକୁ ରୋକିବ ଦିଗରେ ପଦକ୍ଷେପ ନେବାକୁ ସେ ପରାମର୍ଶ ଦେଇଥିଲେ |

ଝାରସୁଗୁଡ଼ାରୁ ରବି ନାରାୟଣ ସାହୁ, ଇଟିଭି ଭାରତ