ETV Bharat Default

ਜ਼ੀਰਾ: ਅੱਖਾਂ ਗਈਆਂ ਜਹਾਨ ਗਿਆ, ਇਨ੍ਹਾਂ ਸ਼ਬਦਾਂ ਨੂੰ ਮੁੱਖ ਰੱਖਦੇ ਹੋਏ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਚੈਰੀਟੇਬਲ ਟਰੱਸਟ ਮੇਹਰ ਸਿੰਘ ਵਾਲਾ ਵੱਲੋਂ ਜ਼ੀਰਾ ਹਾਈਵੇ ਦੇ ਨਜ਼ਦੀਕ ਲਹਿਰਾ ਰੋਹੀ ਪਿੰਡ ਵਿਖੇ ਸ਼ੀਹਣੀ ਸਾਹਿਬ ਦੇ ਸਰਪ੍ਰਸਤ ਬਾਬਾ ਗੁਰਸੇਵਕ ਸਿੰਘ ਜੀ ਦੇ ਕਰ ਕਮਲਾਂ ਨਾਲ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਅੱਖਾਂ ਦੇ ਹਸਪਤਾਲ ਦਾ ਨੀਂਹ ਪੱਥਰ ਰੱਖਿਆ ਗਿਆ। ਇਸ ਤੋਂ ਪਹਿਲਾਂ 16 ਫਰਵਰੀ ਦਿਨ ਮੰਗਲਵਾਰ ਨੂੰ ਅਖੰਡ ਪਾਠ ਸ਼ੁਰੂ ਕਰਵਾਏ ਗਏ ਜਿਸ ਦੇ ਭੋਗ 18 ਫਰਵਰੀ ਪਾਏ ਗਏ। ਇਸ ਮੌਕੇ ਬਾਬਾ ਗੁਰਸੇਵਕ ਸਿੰਘ ਜੀ ਨੇ ਚੇਅਰਮੈਨ ਸੁਖਦੇਵ ਸਿੰਘ ਕੈਨੇਡੀਅਨ ਵਕੀਲਾਂ ਵਾਲੇ ਨੂੰ ਇਸ ਹਸਪਤਾਲ ਨੂੰ ਜਲਦ ਤਿਆਰ ਕਰਾਕੇ ਲੋਕਾਂ ਦੀ ਸੇਵਾ ਵਿਚ ਲਿਆਉਣ ਲਈ ਕਿਹਾ। ਬਾਬਾ ਗੁਰਸੇਵਕ ਸਿੰਘ ਜੀ ਨੇ ਕਿਹਾ ਕਿ ਆਮ ਲੋਕਾਂ ਦਾ ਇੱਥੇ ਮੁਫਤ ਇਲਾਜ ਕੀਤਾ ਜਾਵੇਗਾ।