నవరత్నాల అమలుకు సంబంధించి 2021-22 సంవత్సర క్యాలెండర్‌కు మంగళవారం సమావేశమైన రాష్ట్ర మంత్రివర్గం ఆమోదం తెలిపింది. ఒక్కొక్కరికీ ఒకటికి మించి అందే పథకాల ద్వారా.. మొత్తం 12 కోట్ల సంక్షేమ ఫలాలు అందనున్నాయి. ఈ పథకాలతోపాటు వైఎస్సార్‌ లా నేస్తం కింద ప్రతినెలా 2,102 మంది, జగనన్న గోరుముద్ద ద్వారా 36.88 లక్షలు, సంపూర్ణ పోషణ ద్వారా 30.16 లక్షలు, ఇమామ్‌, మౌజమ్‌లకు ఆర్థికసాయం కింద 77,290 మందితోపాటు మిగిలిపోయిన అర్హులకు ఇళ్లపట్టాల పంపిణీ, నెలవారీ ఇంటింటికీ రేషన్‌ ద్వారా లబ్ధి చేకూరుస్తున్నట్లు ప్రభుత్వం తెలిపింది.