ETV Bharat Default

వైద్య కళాశాలకు భూసేకరణ అడ్డు

కృష్ణాజిల్లా మచిలీపట్నంలో ప్రతిష్ఠాత్మకంగా ఏర్పాటు చేయనున్న వైద్య కళాశాలకు భూసేకరణ సమస్యగా మారింది. ఈ కళాశాలలో ఏడాదికి 100 ఎంబీబీఎస్‌ సీట్లు అందుబాటులోకి రానున్నాయి. వచ్చే విద్యాసంవత్సరం నుంచి ప్రవేశాలు ప్రారంభించేందుకు సన్నాహాలు చేస్తున్నారు. దీనికి భవనాల నిర్మాణం వేగవంతం చేయాల్సి ఉంది. అయితే భూసేకరణ ఎక్కడ వేసిన గొంగళి అక్కడే అన్న చందంగా మిగిలింది. మరోవైపు వైద్య కళాశాల కోసం భారీగా భూ సేకరణ జరుగుతోందని ప్రచారం జరగడంతో రైతులు ఆందోళన వ్యక్తం చేస్తున్నారు. ప్రస్తుతం జిల్లా కేంద్రంలో ఉన్న జిల్లా ప్రభుత్వ ఆసుపత్రి ఆవరణలో వైద్యకళాశాల నిర్వహణ సాధ్యం కాదని తేల్చారు. ఊరికి శివారులో ఇది ఏర్పాటు చేసేందుకు ఏర్పాట్లు చేస్తున్నారు.