ఏడు నెలల చిన్నారిని బయటకు విసిరిన తండ్రి.. చికిత్స పొందుతూ మృతి
ఏపీలోని కడప జిల్లాలో దారుణం చోటుచేసుకుంది. దంపతుల మధ్య వివాదంలో 7 నెలల చిన్నారి బలైంది. క్షణికావేశంలో ఇంట్లో ఉన్న బాబును తండ్రి బయటకు విసిరేశాడు.
కడప జిల్లా రైల్వే కోడూరులోని కొత్తకోడూరులో దారుణం జరిగింది. దంపతుల మధ్య వివాదంలో 7 నెలల చిన్నారి బలైంది. భార్యా, భర్తల మధ్య గొడవ చెలరేగటంతో.. క్షణికావేశంలో ఇంట్లో ఉన్న 7 నెలల చిన్నారిని.. తండ్రి బయటకు విసిరేశాడు.
చిన్నారి శివకు తీవ్రగాయాలు కావటంతో ఆసుపత్రికి తరలించారు. చికిత్స పొందుతూ బాబు మృతి చెందాడు. ఘటనపై కేసు నమోదు చేసుకున్న పోలీసులు.. నిందితుడు వెంకటరమణను అదుపులోకి తీసుకున్నారు.
ఇదీ చదవండి: విద్యుత్‌ తీగలు తెగిపడి తల్లీకొడుకు సజీవదహనం
