నల్గొండ జిల్లా నార్కట్​పల్లి మండలం చెరువుగట్టు వార్షిక బ్రహ్మోత్సవాల్లో భాగంగా నేడు అగ్నిగుండాల కార్యక్రమం ఘనంగా నిర్వహించారు. భక్తులు వేకువజామున నుంచే స్వామివారి దర్శనం కోసం బారు తీరారు. శనివారం రోజు శ్రీ పార్వతీ జడల రామలింగేశ్వరస్వామి కల్యాణ మహోత్సవం జరిగ్గా... ఈ రోజు ఉదయం నాలుగున్నరకు అగ్నిగుండాల కార్యక్రమం ఏర్పాటు చేశారు.

భక్తులు ఓం నమః శివాయ నామస్మరణతో అగ్నిగుండాల కార్యక్రమంలో ఉత్సాహంగా పాల్గొన్నారు. నిప్పులపై నడుచుకుంటూ... తమ కోరికలు తీర్చాలని ఆ శివయ్యను వేడుకున్నారు.పెద్ద ఎత్తున భక్తులు తరలిరావడంతో గుట్టపైన జనసంద్రంగా మారింది. భక్తులకు ఎలాంటి అసౌకర్యం కలగకుండా ఆలయ కమిటీ, అధికారులు అన్ని రకాల వసతులు కల్పించారు.
ఇదీ చూడండి: చెట్టుపై చిరుతపులి .. భయాందోళనలో ప్రజలు