పెట్రోల్ చోరీకి పాల్పడుతున్న దొంగ సీసీ కెమెరాకు చిక్కాడు. హైదరాబాద్లోని బంజారాహిల్స్లో ఇళ్లముందు నిలిపి ఉన్న ద్విచక్రవాహనం నుంచి తస్కరిస్తున్న దృశ్యాలు సీసీ కెమెరాల్లో నిక్షిప్తమయ్యాయి.
రాత్రి సమయాల్లో ఇంటిముందు నిలిపిన ద్విచక్రవాహనం నుంచి పెట్రోల్ చోరీ చేస్తున్న దొంగ సీసీ కెమెరాకు దొరికిపోయాడు. బంజారాహిల్స్ రోడ్ నంబర్ 12లోని వెంకటేశ్వర కాలనీ డివిజన్‌ స్టడీ సర్కిల్‌ వద్ద నిలిచి ఉన్న బైక్ నుంచి పెట్రోల్ తీస్తున్న దృశ్యాలు అక్కడున్న సీసీ కెమెరాల్లో నిక్షిప్తమయయ్యాయి. ఇవేవి గమనించని దుండగుడు పెట్రోల్ తస్కరించి పారిపోయాడు.
తమ వాహనాల నుంచి గుర్తు తెలియని వ్యక్తి పెట్రోల్ దొంగిలిస్తున్నారని బాధితులు బంజారాహిల్స్ పోలీసులకు ఫిర్యాదు చేశారు. ఈ ఘటనపై పోలీసులు దర్యాప్తు చేపట్టారు. స్థానికంగా ఉన్న సీసీ కెమెరాలను పరిశీలించగా ఓ ఆగంతుకుడు పెట్రోల్ తస్కరిస్తున్న విషయం బయటపడింది. నిందితుని కోసం పోలీసులు గాలిస్తున్నారు.
