కామారెడ్డి జిల్లా షాబ్దిపూర్ గ్రామానికి చెందిన మహేశ్​కు... సదాశివనగర్​కు చెందిన రోజాతో 9 ఏళ్ల కిందట వివాహం జరిగింది. వారికి ఒక కుమారుడు, కూతురు ఉన్నారు. మహేశ్​కు​​ షాబ్దిపూర్​లో సరైన ఉపాధి లభించకపోవడంతో పెళ్లైన ఏడాది తరువాత తన కుటుంబ సభ్యులతో కలిసి సదాశివనగర్​లో నివాసం ఉంటున్నాడు.

కొన్ని రోజుల నుంచి రోజా పిల్లలను తీసుకుని ఆమె తల్లిదండ్రుల వద్దకు వెళ్లింది. మహేశ్​ ఎంత బతిమిలాడినా వచ్చేందుకు నిరాకరించడంతో... పెద్దల సమక్షంలో మాట్లాడి రోజాను ఇంటికి పంపించేందుకు ఏర్పాట్లు చేశారు. ఈ క్రమంలో ఆమెను తీసుకురావడానికి సోమవారం మధ్యాహ్నం మహేశ్​ అత్తగారింటికి వెళ్లాడు. రాత్రి సమయంలో భార్యాభర్తలు మధ్య గొడవ జరిగింది.

దీంతో ఆగ్రహానికి గురైన రోజా తల్లిదండ్రులు మహేశ్​ను చితక బాదారు. అనంతరం బయటకు నెట్టివేయడంతో గుంతలో పడి మృతి చెందారు. మహేశ్​ అత్తమామలు ఆయనను కావాలనే హత్య చేశారని... మృతుని బంధువులు ఆరోపిస్తూ పోలీస్​ స్టేషన్​లో ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్నట్లు సదాశివనగర్ పోలీసులు తెలిపారు.

మృతుని భార్యా పిల్లలు

ఇదీ చదవండి: రేపటి నుంచి 6, 7, 8 తరగతులు ప్రారంభం: సబిత