ఓ భాషలో విజయవంతమైన కొన్ని చిత్రాలు మరో భాషలోకి రీమేక్‌ అవుతుంటాయి. ఈ క్రమంలోనే.. ఇటీవల విడుదలై ఘనవిజయం సాధించిన 'ఉప్పెన' సినిమా బాలీవుడ్​ రీమేక్​ చేసేందుకు ప్రయత్నాలు జరుగుతున్నాయని సమాచారం. యువ హీరో ఇషాన్ ఖట్టర్​, హీరోయిన్ అనన్య పాండే ఈ చిత్రంలో నటించనున్నట్లు వినికిడి. ప్రస్తుతం దీనిపై చర్చలు జరుగుతున్నాయి. త్వరలోనే అధికార ప్రకటన వచ్చే అవకాశమున్నట్లు తెలుస్తోంది.

ఇషాన్​, అనన్య

మెగాహీరో వైష్ణవ్​తేజ్​, కృతి శెట్టి జంటగా వచ్చిన ఈ సినిమాను దర్శకుడు బుచ్చిబాబు తెరకెక్కించారు. ఈ సినిమా బాక్సాఫీస్​ వద్ద అత్యధిక వసూళ్లతో దూసుకెళ్తోంది. ఈ చిత్రంలో తమిళ నటుడు విజయ్​ సేతుపతి కీలక పాత్ర పోషించారు. అయితే ఈయన.. ఈ సినిమాకు సంబంధించిన తమిళ హక్కులను ఇప్పటికే సొంతం చేసుకున్నారని సమాచారం.

ఇదీ చూడండి: 'ఉప్పెన' టీమ్​కు చిరంజీవి స్పెషల్ గిఫ్ట్​లు