గ్రీన్ ఇండియా ఛాలెంజ్లో భాగంగా నిర్వహించిన కోటి వృక్షార్చన కార్యక్రమానికి... విశ్వగురు వరల్డ్ రికార్డులో స్థానం దక్కింది. ముఖ్యమంత్రి కేసీఆర్ జన్మదినం పురస్కరించుకుని ఒకే రోజు, గంట సమయంలో కోటి మెుక్కలు నాటిన ఘనతకు ఈ ప్రపంచ రికార్డు వరించింది.
సీఎం కేసీఆర్ జన్మదినం రోజున గ్రీన్ ఇండియా ఛాలెంజ్లో భాగంగా నిర్వహించిన కోటి వృక్షార్చన కార్యక్రమం రికార్డులకెక్కింది. గంట సమయంలో కోటి మొక్కలు నాటినందుకుగాను విశ్వగురు వరల్డ్ రికార్డ్స్లో స్థానం లభించింది.
సమాజానికి ఉపయోగపడే అద్వితీయమైన కార్యక్రమాలను గుర్తించి తన రికార్డ్స్లో స్థానం కల్పించే విశ్వగురు వరల్డ్ రికార్డ్స్ కోటి వృక్షార్చనకు చోటు కల్పించింది. ఈ కార్యక్రమానికి పిలుపునిచ్చిన రాజ్యసభ సభ్యులు సంతోష్ కుమార్ను సంస్థ అభినందించింది. రేపటి తరం కోసం చేస్తున్న నిస్వార్థమైన సేవగా గ్రీన్ ఇండియా ఛాలెంజ్ను పేర్కొంది. ఈ కార్యక్రమం మరింత ముందుకు సాగాలని ఆకాంక్షించింది.
ఇదీ చదవండి: 'ఏ మహమ్మారికైనా హైదరాబాద్ నుంచే టీకా రావాలి'
