చెట్టుకొక్కరు పుట్టకొక్కరిగా ఉన్న గిరిజనులను ఏకతాటిపై తీసుకొచ్చిన ఘనత శ్రీ సంతు సేవాలాల్​దేనని అఖిల భారత బంజారా సేవా సంఘ్ రాష్ట్ర కార్యనిర్వాహక అధ్యక్షుడు ఇస్లావత్ రామచందర్ నాయక్ కొనియాడారు. తండాల ఏర్పాటులో ఆయన కృషి ఎనలేనిదన్నారు.

నల్గొండ జిల్లా నాగార్జునసాగర్ నియోజకవర్గ పరిధిలోని అనుముల, త్రిపురారం, నిడమనూరు, తిరుమలగిరి, పెద్దవూర, గుర్రంపోడ్​లో శ్రీ సంతుసేవాలాల్ 282 జయంతి ఉత్సవాలు ఘనంగా నిర్వహించారు. సేవాలాల్ చూపిన మార్గంలో నడవాలని పేర్కొన్నారు.

కార్యక్రమంలో ప్రభుత్వం తరపున జిల్లా బంజారా సంక్షేమ సంఘం పీడీ రాజ్ కుమార్, అధికారులు, నియోజకవర్గ అధ్యక్షుడు బిక్షు నాయక్, మండలాల నాయకులు పాల్గొన్నారు.