ఇంటి నిర్మాణాన్ని అడ్డుకొని దాడికి పాల్పడిన వారిపై చర్యలు తీసుకోకుండా నిర్లక్ష్యం వహిస్తున్న రంగారెడ్డి జిల్లా ఆదిభట్ల పోలీసులపై ఓ బాధితుడు.. హెచ్​ఆర్సీకి ఫిర్యాదు చేశాడు. బొంగుళూరు గ్రామానికి చెందిన తూపల్లి భాస్కర్ రెడ్డి.. గతేడాది తుర్కయాంజల్​లో 244 గజాల భూమిని కొనుగోలు చేశాడు. ఆదిభట్ల మున్సిపాలిటీ నుంచి అనుమతి తీసుకొని ఇంటి నిర్మాణం చేపట్టాడు.ఇంటి నిర్మాణం జరుగుతుండగా అదే గ్రామానికి చెందిన కొత్తకుర్మ బాలరాజ్, కొత్తకుర్మ వెంకటేష్, కొత్తకుర్మ కుమార్, శ్రీశైలం తదితరులు పనులను అడ్డుకున్నారని వివరించాడు. అంతేకాకుండా కాంట్రాక్టర్​ రాహుల్​పై దాడి చేశారని తెలిపాడు.

ఈ విషయంపై ఆదిభట్ల పోలీసులకు ఫిర్యాదు చేశానని... ఎస్సై సురేష్ కేసు నమోదు చేయకుండా తమనే పనులు ఆపేయాలని చెప్పినట్లు కమిషన్​కు బాధితుడు వివరించాడు. న్యాయం కోసం రాచకొండ పోలీసు కమిషనర్​కు ఫిర్యాదు చేసినా ఎలాంటి చర్యలు తీసుకోలేదని ఆవేదన వ్యక్తం చేశాడు. భూ వివాదంలో భయబ్రాంతులకు గురిచేస్తున్న వారిపై చర్యలు తీసుకొని.. తమకు రక్షణ కల్పించాలని హెచ్​ఆర్సీని వేడుకున్నాడు.

ఇదీ చదవండి: సీఎం సెక్రటరీ తెలుసంటూ మోసాలు.. అరెస్టు చేసిన పోలీసులు