رہائش اور شہری امور کی وزارت نے بتایا کہ وزارت میں سیکریٹری درگاشنکر مشر کی قیادت میں کل دیر شام مرکزی منظوری اور نگرانی کمیٹی کی 53 ویں میٹنگ منعقد کی گئی، جس میں 11 ریاستوں اور مرکز کے زیرانتظام ریاستوں میں 56 ہزار 368 مکانات کی تعمیر کو منظوری دی گئی۔

مزید پڑھیں:زرعی قوانین: جموں کے کسان رہنما کو دہلی پولیس نے حراست میں لیا

میٹنگ میں مسٹر مشر نے اسکیم کے نفاذ پر زور دیتے ہوئے کہا کہ 'تمام ریاستوں اور مرکز کے زیرانتطام ریاستوں کو یقینی بنانا چاہئے کہ تمام مستحق لوگوں کو اسکیم کا فائدہ ملے۔'

انہوں نے اسکیم کے پورے عمل کو آن لائن بنانے پر زور دیا اور کہا کہ مکانات کی تعمیر میں جدید تکنالوجی استعمال کی جانی چاہئے۔

یو این آئی