مہاراشٹرا میں ممبئی کے علاقہ کالا گھوڈا میں سائی بابا مارگ کے قریب یہودی عبادت گاہ ہے۔ محکمہ بی ایم سی نے فیڈریشن آف انڈو اسرائیل چیمبرس آف کامرس کے اشتراک سے سائی بابا مارگ کا نام تبدیل کرکے اس روڈ کو سیمون پیرس چوک کے نام سے منسوب کیا جارہا ہے۔

سرکاری کاروائی کے بعد سائی بابا مارگ پر سیمون پیرس چوک کا بورڈ بھی نصب کردیا گیا ہے۔ بی ایم سی کی جانب سے آج اس کا افتتاح کیا جانا تھا لیکن قبل ازیں رضا اکیڈمی نے اس کے خلاف اعتراض جتایا ہے۔

ممبئی: سیمون پیرس چوک کے نام پر رضا اکیڈمی کی مخالفت

رضا اکیڈمی کے صدر سعید نوری نے کہا کہ بی ایم سی کی جانب سے کسی غیرملکی کے نام سے کوئی مقام کو منسوب نہیں کیا جاسکتا۔ انہوں نے کہا کہ جس شخص کے نام سے اس روڈ کو منسوخ کیا جارہا ہے اسے انسانیت دشمن سے تعبیر کیا جاتا ہے۔ ایسے میں سائی بابا مارگ کے نام کو تبدیل کرکے سیمون پیرس چوک رکھنا نامناسب ہے۔

انہوں نے کہا کہ باضابطہ افتتاح سے قبل ہی سڑک پر سیمون پیرس چوک کا بورڈ نصب کردیا گیا۔ سعید نوری نے مزید کہا کہ اس سلسلہ میں مسلمانوں کے جذبات سے بی ایم سی کو واقف کروایا گیا جبکہ بی ایم سی کی جانب سے کی گئی غلطی کو سدھارا نہیں جائے گا تو عدالت میں اس کے خلاف درخواست کی جائے گی۔