پارلیمانی پینل کے ارکان سرینگر میں ایک تقریب کے دوران مختلف شعبوں میں بہترین کارکردگی کا مظاہرہ کرنے والے افراد کی حوصلہ افزائی کریں گے۔

پارلیمانی پینل اگلے ماہ وادیء کشمیر کے دورے پر آ رہا ہے جس دوران وہ مختلف شعبوں میں بہترین کارکردگی کا مظاہرہ کرنے والوں کو اعزاز سے نوازے گا۔

پارلیمانی پینل کے وادیء کشمیر کے دورے پر آنے سے قبل اس حوالے سے تیاریوں کو آخری شکل دی جا رہی ہے۔

ذرائع نے بتایا کہ رائفل ہیرو ایوارڈز کے نام سے کشمیر میں ایک بڑے پروگرام کا انعقاد کیا جا رہا ہے جس میں پارلیمانی پینل سے وابستہ ممبران پارلیمنٹ کی شرکت متوقع ہے۔

مزید پڑھیں؛ شوپیان میں برڈ فلو کی دستک

ذرائع نے مزید بتایا کہ پارلیمانی پینل میں شامل ارکان ذرائع ابلاغ، سماجی کارکن، ہیلتھ عملہ، ڈاکٹرس اور کھیل کود وغیرہ شعبوں میں بہترین کارکردگی دکھانے والوں کو اعزاز سے نوازیں گے۔ اس پروگرام میں سیول اور پولیس افسران کو بھی اعزاز سے نوازا جائے گا۔

معلوم ہوا ہے کہ 15مارچ کو سرینگر کے ایس کے آئی سی سی میں یہ پروگرام ہونے جا رہا ہے اور اس حوالے سے تیاریاں جاری ہیں۔